Cabinet expansion/ reshuffle: BJP MLA’s meet on Tuesday


ರಿಪೋರ್ಟರ್: ಎಂ. ಎನ್. ಚಂದ್ರೇಗೌಡ
ಸ್ಲಗ್: ಎಂಎಲ್ಎಗಳ ಡಿಮ್ಯಾಂಡ್ಗಳು
ಡೇಟ್: 23-070 2010
ಬೆಂಗಳೂರು

ಆಂಕರ್: ಸಚಿವ ಸಂಪುಟ ವಿಸ್ತರಣೆಗೆ ಸಂಬಂಧಿಸಿದಂತೆ ತಮ್ಮ ಬೇಡಿಕೆಗಳನ್ನು ಈಡೇರಿಸುವಂತೆ ಒತ್ತಾಯಿಸಲು ಬುಧವಾರ ರಾತ್ರಿ ಸಭೆ ಸೇರಿದ್ದ 22 ಮಂದಿ ಬಿಜೆಪಿ ಶಾಸಕರು ಮತ್ತೆ ಬರುವ ಮಂಗಳವಾರ ಬೆಂಗಳೂರಿನಲ್ಲಿ ಸಭೆ ಸೇರಲು ತೀಮರ್ಾನಿಸಿದ್ದಾರೆ. ಈ ಬಾರಿ 38 ಮಂದಿ ಶಾಸಕರನ್ನು ಈ ಸಭೆಗೆ ಕಲೆಹಾಕಲಾಗುವುದು. ಹಿರಿಯ ಶಾಸಕರಾದ ಅಪ್ಪಚ್ಚು ರಂಜನ್, ಸೊಗಡು ಶಿವಣ್ಣ, ಸಿ.ಟಿ. ರವಿ, ಎ. ನಾರಾಯಣಸ್ವಾಮಿ ಹಾಗೂ ಎ. ರಾಮ್ದಾಸ್ಗೆ ಈ ಬಾರಿ ಸಚಿವ ಸಂಪುಟದಲ್ಲಿ ಸ್ಥಾನ ನೀಡಲೇಬೇಕೆಂದು ಪಟ್ಟು ಹಿಡಿಯಲು ಈ ಶಾಸಕರ ಗುಂಪು ತೀಮರ್ಾನಿಸಿದೆ ಎಂದು ಮೂಲಗಳು ತಿಳಿಸಿವೆ.

ವಾಯ್ಸ್ ಓವರ್:
ಆಶಾಡ ಕಳೆದು ಶ್ರಾವಣದಲ್ಲಿ ಸಚಿವ ಸಂಪುಟ ವಿಸ್ತರಣೆ ಗ್ಯಾರಂಟಿಯಾಗುತ್ತಿದ್ದಂತೆಯೇ ಸಚಿವ ಸ್ಥಾನ ಆಕಾಂಕ್ಷಿಗಳು ತಮ್ಮ ಲಾಬಿ ಚಟುವಟಿಕೆಗಳನ್ನು ತೀವ್ರಗೊಳಿಸಿದ್ದಾರೆ. ಈ ಸಂಬಂಧ ಕಳೆದ ಬುಧವಾರ ರಾತ್ರಿ ಶಾಸಕರ ಭವನದಲ್ಲಿ ಸಭೆ ಸೇರಿದ್ದ ಶಾಸಕರು, ಬರುವ ಮಂಗಳವಾರ ಮತ್ತೆ ಸಭೆ ಸೇರಲು ತೀಮರ್ಾನಿಸಿದ್ದಾರೆಂದು ಮೂಲಗಳು ತಿಳಿಸಿವೆ. ಈ ಬಾರಿ 38 ಮಂದಿ ಶಾಸಕರು ಈ ಸಭೆಯಲ್ಲಿ ಪಾಲ್ಗೊಳ್ಳಲಿದ್ದಾರೆ. ಈ ಬಾರಿ 1980 ರಿಂದಲೂ ಪಕ್ಷಕ್ಕಾಗಿ ದುಡಿದಿರುವ ಹಿರಿಯ ಶಾಸಕರಾದ ಅಪ್ಪಚ್ಚು ರಂಜನ್, ಎ.ನಾರಾಯಣಸ್ವಾಮಿ, ಸಿ.ಟಿ. ರವಿ, ಸೊಗಡು ಶಿವಣ್ಣ ಹಾಗೂ ಎ. ರಾಮ್ದಾಸ್ಗೆ ಸಚಿವ ಸಂಪುಟದಲ್ಲಿ ಸ್ಥಾನ ನೀಡಲೇಬೇಕೆಂದು ಎಲ್ಲಾ ಶಾಸಕರು ಪಟ್ಟು ಹಿಡಿಯಲಿದ್ದಾರೆಂದು ಮೂಲಗಳು ತಿಳಿಸಿವೆ. ಸಂಸ್ಕಾರ, ತಾಳ್ಮೆ ಇದುವರೆಗೆ ತಿರಸ್ಕಾರಕ್ಕೆ ಒಳಗಾಗಿವೆ. ಈ ಬಾರಿ ತನಗೆ ಸಂಪುಟದಲ್ಲಿ ಸ್ಥಾನ ನೀಡದಿದ್ದರೆ ಪರಿಣಾಮ ನೆಟ್ಟಗಿರುವುದಿಲ್ಲ ಎಂದು ಶಾಸಕ ಎ. ನಾರಾಯಣಸ್ವಾಮಿ ಸಮಯ ನ್ಯೂಸ್ಗೆ ತಿಳಿಸಿದ್ದಾರೆ. ಉಳಿದಂತೆ ವಿಧಾನಪರಿಷತ್ನಿಂದ ಮಂತ್ರಿಗಳಾಗಿರುವ ವಿ.ಎಸ್. ಆಚಾರ್ಯ, ರಾಮಚಂದ್ರಗೌಡರನ್ನು ಕೈಬಿಡಬೇಕು. ವಿಧಾನಸಭೆಯಿಂದ ಸಚಿವರಾಗಿರುವ ಅರವಿಂದ ಲಿಂಬಾವಳಿ ಅವರನ್ನು ಕೈಬಿಟ್ಟು ಬೆಂಗಳೂರಿನ ಸಚಿವರ ಕೋಟಾವನ್ನು ಸರಿದೂಗಿಸಿಕೊಳ್ಳಬೇಕು. ಪಕ್ಷೇತರರಾಗಿ ಆಯ್ಕೆಯಾಗಿ ಸಚಿವರಾಗಿರುವ ನರೇಂದ್ರಸ್ವಾಮಿ, ವೆಂಕಟರಮಣಪ್ಪ, ಡಿ. ಸುಧಾಕರ್ರನ್ನು ಕೈಬಿಡಬೇಕು. ಪಂಚಮಶಾಲಿ ಲಿಂಗಾಯಿತ ಪಂಗಡಕ್ಕೆ ಸೇರಿರುವ ಸಚಿವ ಮುರುಗೇಶ್ ನಿರಾಣಿ ಅವರನ್ನು ಕೈಬಿಟ್ಟು ಮತ್ತೊಬ್ಬರಿಗೆ ಅವಕಾಶ ನೀಡಬೇಕು. ಇವಿಷ್ಟು ಈ ಶಾಸಕರ ಬೇಡಿಕೆ. ಈ ಬೇಡಿಕೆಗಳು ಈಡೇರದಿದ್ದರೆ ಬಂಡಾಯದ ಬಾವುಟ ಹಾರಿಸಲು ಈ ಶಾಸಕರ ಪಡೆ ಸಿದ್ಧವಾಗಿದೆ ಎಂದು ಮೂಲಗಳು ತಿಳಿಸಿವೆ. ತಮ್ಮ ಗುಂಪಿಗೆ ಸಚಿವ ರೇಣುಕಾಚಾರ್ಯ ನೇತೃತ್ವದ 12 ಮಂದಿ ಶಾಸಕರ ಗುಂಪು ಸಹ ಬೆಂಬಲ ನೀಡಲಿದೆ ಎಂದು ಈ ಗುಂಪಿನ ನೇತೃತ್ವ ವಹಿಸಿರುವ ಶಾಸಕರೊಬ್ಬರು ಸಮಯ ನ್ಯೂಸ್ಗೆ ತಿಳಿಸಿದ್ದಾರೆ. ಸಚಿವ ಸ್ಥಾನ ಆಕಾಂಕ್ಷಿಗಳಾಗಿರುವ ವಿಮಲಾಗೌಡ, ಶಂಕರಲಿಂಗೇಗೌಡ, ಸಿ.ಎಚ್. ವಿಜಯಶಂಕರ್ ಸಹ ಈಗ ಲಾಭಿ ನಡೆಸುತ್ತಾರ ಹೇಗೆ ಎಂಬುದನ್ನು ಕಾದು ನೋಡಬೇಕಾಗಿದೆ. ಮುಖ್ಯಮಂತ್ರಿಗಳು ಈ ಲಾಬಿಗಳನ್ನು ಹೇಗೆ ನಿಭಾಯಿಸುತ್ತಾರೆ ಎಂಬುದೇ ತೀವ್ರ ಕುತೂಹಲ ಕೆರಳಿಸಿದೆ.

—ಎಂ.ಎನ್. ಚಂದ್ರೇಗೌಡ
ಸಮಯ ನ್ಯೂಸ್
ಬೆಂಗಳೂರು

Leave a comment

No comments yet.

Comments RSS TrackBack Identifier URI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

  • Pages

  • Flickr Photos

    The firsts lights

    Lago di Braies

    Survivor Mode

    Red and Gold

    More Photos
  • July 2010
    S M T W T F S
    « Jun   Aug »
     123
    45678910
    11121314151617
    18192021222324
    25262728293031
  • Categories