ನೀವು 24 ತಾಸು, ನಿಮ್ಮ ಮಗ 12 ತಾಸು ರಾಜಕಾರಣ ಮಾಡುವುದನ್ನು ನಿಲ್ಲಿಸಲಿ

HDD

ದಿನದ 24 ತಾಸು ರಾಜಕಾರಣ ಮಾಡುವ, ಮಕ್ಕಳು, ಮೊಮ್ಮಕ್ಕಳು, ಸೊಸೆಯಂದಿರು, ಷಡ್ಡಕ, ಅವರ ಮಕ್ಕಳು, ಇಡೀ ತಮ್ಮ ಕುಟುಂಬ, ವಂಶವನ್ನೇ ರಾಜಕಾರಣದಲ್ಲಿ ತೊಡಗಿಸಿಕೊಂಡಿರುವ ದೇವೇಗೌಡರಿಗೆ, ರಾಜ್ಯದ ಕೇವಲ 28 ಲೋಕಸಭಾ ಕ್ಷೇತ್ರಗಳಲ್ಲಿ 28 ಜೆಡಿಎಸ್ ಅಭ್ಯಥರ್ಿಗಳನ್ನು ಕಣಕ್ಕಿಳಿಸಲು ತಿಣುಕಾಡುವುದನ್ನು ಕಂಡು ಬೇಸರವಾಗಿದೆ. ಎಲ್ಲರಿಗಿಂತ ಮುಂಚಿತವಾಗಿ ಅಭ್ಯಥರ್ಿಗಳ ಪಟ್ಟಿ ಬಿಡುಗಡೆ ಮಾಡುತ್ತೇನೆಂದು ಪ್ರಕಟಿಸಿ, ಎಲ್ಲರಿಗಿಂತ ಕಡೆಯಲ್ಲಿ ಪಟ್ಟಿ ಬಿಡುಗಡೆ ಮಾಡುವ, ಬೇರೆ ಪಕ್ಷಗಳ ವಲಸಿಗರಿಗಾಗಿ ಕಾದು ಕುಳಿತುಕೊಳ್ಳುವ ಜೆಡಿಎಸ್ ನಾಯಕರ ದೈನೇಸಿ ಪರಿಸ್ಥಿತಿ ಕಂಡು ನೋವಾಗುತ್ತಿದೆ. ಎರಡು ರಾಷ್ಟ್ರೀಯ ಪಕ್ಷಗಳಿಗೆ ಪರ್ಯಾಯವಾಗುತ್ತೇನೆಂದು ಹವಣಿಸುವ ಪ್ರಾದೇಶಿಕ ರಾಜಕೀಯ ಪಕ್ಷವೊಂದಕ್ಕೆ ಇಷ್ಟು ಬೇಗ ಇಂಥಹ ಭಿಕ್ಷುಕ ಪರಿಸ್ಥಿತಿ ಬಂದು ಬಿಟ್ಟಿತಲ್ಲ ಎಂದು ಮರುಕ ಉಂಟಾಗುತ್ತಿದೆ. ಕಳೆದ ವಿಧಾನಸಭಾ ಚುನಾವಣೆ ಸಂದರ್ಭದಲ್ಲೂ ಈ ಪರಿಸ್ಥಿತಿಯೇನೂ ಭಿನ್ನವಾಗಿರಲಿಲ್ಲ ಎಂಬುದನ್ನು ಇಲ್ಲಿ ನೆನಪಿಸುತ್ತೇನೆ.
ದೇವೇಗೌಡರ ಅರ್ಧದಷ್ಟು ವಯಸ್ಸಾಗಿರುವ, ಅವರ ರಾಜಕೀಯ ಬದುಕಿನಷ್ಟು (ನಾಟ್ ಎಕ್ಸಾಕ್ಟಲೀ) ವಯಸ್ಸಾಗಿರುವ ಮಮತಾ ಬ್ಯಾನಜರ್ಿ, ಜಯಲಲಿತಾ, ನವೀನ್ ಪಟ್ನಾಯಿಕ್, ಉದ್ಧವ್, ರಾಜ್ ಠಾಕ್ರೆ, ಅರವಿಂದ್ ಕೇಜ್ರಿವಾಲ್, ನಿತೀಶ್ ಕುಮಾರ್, ನಾಯ್ಡು, ಮಾಯಾವತಿ (ಮುಲಾಯಂ, ಲಾಲೂಗೆ ನಿಮ್ಮಷ್ಟೇ ವಯಸ್ಸಾಗಿದೆ ಎಂದಬುದು ಬೇರೆ ಮಾತು) ಇವರನ್ನು ನೋಡಿದರೆ, ದೇವೇಗೌಡರ 24 ತಾಸಿನ ರಾಜಕಾರಣ ಎಲ್ಲಿ ದಾರಿ ತಪ್ಪಿಹೋಗುತ್ತಿದೆ ಏಂದೆನಿಸದಿರದು. ಇಂಥಹ ಪ್ರಾದೇಶಿಕ ನಾಯಕರೆಲ್ಲಾ ಇತ್ತೀಚೆಗೆ ಪ್ರವರ್ಧಮಾನಕ್ಕೆ ಬಂದರೂ 28 ಅಲ್ಲಾ 80 ಕ್ಷೇತ್ರಗಳಿಗೆ ಆಗುವಷ್ಟು ಅಭ್ಯಥರ್ಿಗಳನ್ನು ಹೇಗೆ ತಯಾರು ಮಾಡುತ್ತಾರೆ, ಅವರ ತಾಕತ್ತೇನು? ಅವರ ಯೋಜನೆಗಳೇನು? ಅವರ ಪೂರ್ವ ತಯಾರಿ ಏನು ? ಏಕೆ ನಮ್ಮ ಗೌಡರಿಗೆ ಇಂಥಹ ತಿಣುಕಾಟ, ಇಂಥಹ ರಾಜಕೀಯ ಬಡತನ, ಕಷ್ಟ ಬಂತಲ್ಲ ಎಂಬ ಜಿಜ್ಞಾಸೆ ನನ್ನಲಿದೆ.
ಒಂದು ವಿಧಾನಸಭಾ ಕ್ಷೇತ್ರ ತೆಗೆದುಕೊಳ್ಳಿ, ಅದರಲ್ಲಿ ಕನಿಷ್ಠ ಎಂಟರಿಂದ ಹತ್ತು ವಾಡರ್್ಗಳು, ಅದರಲ್ಲಿ ಪ್ರತಿ ವಾಡರ್್ಗೆ 5 ಪೋಲಿಂಗ್ ಸ್ಟೇಷನ್ಗಳು, ಪ್ರತಿ ಪೊಲೀಂಗ್ ಸ್ಟೇಷನ್ಗೆ ಕನಿಷ್ಠ 5 ಪೋಲಿಂಗ್ ಬೂತ್ಗಳು, ಪ್ರತಿ ಪೊಲೀಂಗ್ ಬೂತ್ಗೆ ಕನಿಷ್ಠ ಇಬ್ಬರು ಏಜೆಂಟರ ನೇಮಕ. ಒಂದು ಲೋಕಸಭೆಗೆ 2000 ಬೂತ್ಗಳು, ಪ್ರತಿ ಪೊಲೀಂಗ್ ಬೂತ್ಗೆ ಇಬ್ಬರಂತೆ, 4000 ಮಂದಿ ಬೂತ್ ಏಜೆಂಟ್ಗಳ ನೇಮಕ. ಇಷ್ಟು ತಯಾರಾದರೆ ಮುಗಿಯಿತು ಯಾವುದೇ ಒಂದು ಪಾಟರ್ಿಯ ಮಿನಿಮಮ್ ನೆಟ್ವರ್ಕ ರೆಡಿ. ಆಮೇಲೆ ಆಯಾ ಪಕ್ಷಗಳ ವಿವಿಧ ವಿಂಗ್ಗಳು, ಮೋಚರ್ಾಗಳು, ಪೇರೆಂಟ್ ಬಾಡಿ, ಸಿಟಿ, ರಾಜ್ಯ ಘಟಕಗಳ ರಚನೆ, ಅದರಲ್ಲಿ ಮೀಸಲಾತಿ ಹಂಚಿಕೆ ಆಧಾರದಲ್ಲಿ ನಾಯಕರ ನೇಮಕ. ಇದು ಒಂದು ಆರೋಗ್ಯವಂತ ಪಕ್ಷದ ನೀಲ ನಕ್ಷೆ. ಇದನ್ನು ಮಾಡಲು ದಿನದ 24 ತಾಸು, ವರ್ಷದ 8640 ತಾಸು ಬೇಕೆ? ಇಂಥಹ ಒಂದು ಸಾಮಾನ್ಯ ನೆಟ್ವರ್ಕ ಅಭಿವೃದ್ಧಿಪಡಿಸಲು ನಿಮಗೆ ಕಳೆದ ಐದು, 10 ವರ್ಷ ಸಾಲದೇ ? ಆಮ್ಆದ್ಮಿ ಪಕ್ಷ ಇಂಥಹ ನೆಟ್ವರ್ಕ ಆಭಿವೃದ್ಧಿಪಡಿಸಲು ತೆಗೆದುಕೊಂಡ ಸಮಯ ಕೇವಲ 4 ತಿಂಗಳು. ಅದೂ ದೇಶದ ಉದ್ದಗಲಕ್ಕೆ.
ನೀವು ಜೆಡಿಎಸ್ನ ರಾಷ್ಟ್ರೀಯ ಅಧ್ಯಕ್ಷರಾದರೂ, ಕನರ್ಾಟಕಕ್ಕೆ ಸೀಮಿತವಾಗಿ ನೋಡುವುದಾದರೆ, ನೀವು ಹುಟ್ಟಿಬೆಳೆದ ಹಾಸನದಲ್ಲಿ ನಿಮ್ಮ ನೆಟ್ವರ್ಕ ಅದ್ಭುತವಾಗಿದೆ. ನೀವು ವಲಸೆ ಬಂದ ಬೆಂಗಳೂರು ಗ್ರಾಮಾಂತರ, ರಾಮನಗರ ಜಿಲ್ಲೆ, ನಿಮ್ಮ ಜಾತಿ ಜನರಿರುವ ಮಂಡ್ಯ, ಮೈಸೂರು, ತುಮಕೂರು, ಕೋಲಾರ, ಚಿಕ್ಕಬಳ್ಳಾಪುರ ಜಿಲ್ಲೆಗಳಲ್ಲಿ ನಿಮ್ಮ ಪಕ್ಷ ಆರೋಗ್ಯವಾಗಿದೆ. ಈ ಜಿಲ್ಲೆಗಳನ್ನು ಬಿಟ್ಟು, ನಿಮ್ಮ ಪಕ್ಷಕ್ಕೆ ಬೀದರ್ನಿಂದ ಹಿಡಿದು, ಕಾರವಾರದವರೆಗೆ, ಚಾಮರಾಜನಗರದಿಂದ ಹಿಡಿದು ಕೋಲಾರದ ವರೆಗೆ ಲೋಕಸಭೆಯಲ್ಲಿ ಬಾವುಟ ಹಿಡಿಯುವ ಜನರಿಲ್ಲ. ಟಿಕೆಟ್ ಕೊಟ್ಟರೆ ಜನ ಬಿಸಾಡಿ ಓಡಿ ಹೋಗುತ್ತಿದ್ದಾರೆ, ಬಿ ಫಾರಂ ಸಲ್ಲಿಸಿದವರು ಕಣದಿಂದ ಮಾಯವಾಗುತ್ತಿದ್ದಾರೆ. ನಿಮ್ಮ ಕಾಸಿಗೆ ಕಾದು ಕುಳಿತುಕೊಳ್ಳದೇ, ಸ್ವಾಭಿಮಾನದಿಂದ ಚುನಾವಣೆ ಎದುರಿಸುವ ಒಂದಿಪ್ಪತ್ತು ಜನರನ್ನು ನೀವು ದಿನದ 24 ತಾಸು ರಾಜಕಾರಣ ಮಾಡಿ ತಯಾರು ಮಾಡಲಾಗಿಲ್ಲ. ಒಂದುವರೆ ಕೋಟಿಯಷ್ಟು ಜನಸಂಖ್ಯೆ ಇರುವ ಬೆಂಗಳೂರಿನಲ್ಲಿ ಸ್ವಾಭಿಮಾನದಿಂದ ಜೆಡಿಎಸ್ ಬಾವುಟ ಹಿಡಿದು ಓಟು ಕೇಳಬಲ್ಲ ಒಬ್ಬನೇ ಒಬ್ಬ ನಾಯಕ ಗತಿ ಇಲ್ಲ ಎನ್ನುವುದಾದರೆ ನೀವು 24 ತಾಸು ರಾಜಕಾರಣ ಮಾಡುವುದನ್ನು, ನಿಮ್ಮ ಮಗ 12 ತಾಸು, ನಿಮ್ಮ ಕುಟುಂಬ ದಿನದ 6 ತಾಸು ರಾಜಕಾರಣ ಮಾಡುವುದನ್ನು ನಿಲ್ಲಿಸಲಿ.
ನಿಮಗೆ 28 ಲೋಕಸಭಾ ಕ್ಷೇತ್ರಗಳಲ್ಲಿ, 228 ವಿಧಾನಸಭಾ ಕ್ಷೇತ್ರಗಳಲ್ಲಿ ಒಬ್ಬೊಬ್ಬ ಸ್ವಾಭಿಮಾನಿ, ಸ್ವಯಂ ಸೇವಕರಂತಿರುವ ಕೋಆಡರ್ಿನೇಟರುಗಳನ್ನು, ಬೂತ್ ಓಂದಕ್ಕೆ ಕನಿಷ್ಠ ಇಬ್ಬರು ಏಜೆಂಟರುಗಳನ್ನು ನೇಮಕ ಮಾಡಿ ಪಕ್ಷ ಸಂಘಟಿಸಲು ಇನ್ನು ಎಷ್ಟು ವರ್ಷ 24 ತಾಸು ರಾಜಕಾರಣ ಮಾಡಬೇಕು ಹೇಳಿ. ಏಂಜಲು ಕಾಸಿಗೆ ಕೈಒಡ್ಡದೇ, ನಿಮ್ಮ ಪಕ್ಷ, ಸಿದ್ಧಾಂತಗಳನ್ನು ಒಪ್ಪಿ ಸ್ವಾಭಿಮಾನದಿಂದ ಜನರ ನಡುವೆ ಬದುಕಿ ಚುನಾವಣೆ ಎದುರಿಸುವ ಒಂದೈವತ್ತು ಮಂದಿಯನ್ನು ನೀವು ಬೆಳೆಸಿಕೊಳ್ಳಲಿಲ್ಲ ಎಂದರೆ ನಿಮ್ಮ ಪ್ರಭಾವ, ನಿಮ್ಮ ಪಕ್ಷದ ಆಕರ್ಷಣೆ ಎಷ್ಟು ಕುಸಿದಿದೆ ಎಂಬುದನ್ನು ನೀವೇ ಅಂದಾಜಿಸಿ. ಈಗಲಾದರೂ ನಿಮ್ಮ ಮಕ್ಕಳು, ಮೊಮ್ಮಕ್ಕಳನ್ನು ಪಕ್ಷ ರಾಜಕಾರಣಕ್ಕೆ ಎಳೆದು ತರುವ ಚಾಳಿಯನ್ನು ಬಿಟ್ಟುಬಿಡಿ. ಸ್ವಾಭಿಮಾನಿ ಕಾರ್ಯಕರ್ತರನ್ನು ಬೆಳೆಸಿ, ಜೆಡಿಎಸ್ ನೆಟ್ವರ್ಕನ್ನು ಅಭಿವೃದ್ಧಿಪಡಿಸಿ. ಇಲ್ಲವಾದರೆ ಇನ್ನೈದು ವರ್ಷದಲ್ಲಿ ನಿಮ್ಮ ಮನೆ ಮಂದಿಯಷ್ಟೇ ಜೆಡಿಎಸ್ನ ಬಾವುಟ ಹಿಡಿದು ಚುನಾವಣೆಗೆ ನಿಲ್ಲಬೇಕಾದ ಪರಿಸ್ಥಿತಿ ಬರಬಹುದು. ಆಮ್ಆದ್ಮಿ ಪಕ್ಷ ರಾಜ್ಯದ 28 ಕ್ಷೇತ್ರಗಳಲ್ಲಿ 24 ದಿನದಲ್ಲಿ ತನ್ನ ಸ್ವಾಭಿಮಾನಿ ಅಭ್ಯಥರ್ಿಗಳನ್ನು ಗುರುತಿಸಬಲ್ಲದು, ಅವರನ್ನು ಕಣಕ್ಕಿಳಿಸಲು ಸಿದ್ಧಗೊಳಿಸುವುದಾದರೆ ಪ್ರಧಾನಿ, ಮುಖ್ಯಮಂತ್ರಿ, ಸಾವಿರಾರು ಹೋರಾಟಗಳಲ್ಲಿ ಪಾಲ್ಗೊಂಡ ನಿಮಗೆ, ಅತಿ ಚಿಕ್ಕವಯಸ್ಸಿಗೆ ರಾಜ್ಯದ ಮುಖ್ಯಮಂತ್ರಿಯಾದ ನಿಮ್ಮ ಮಗನಿಗೆ, ರಾಷ್ಟ್ರೀಯ ದೃಷ್ಟಿಕೋನವುಳ್ಳ ಜೆಡಿಎಸ್ ಏಕೆ ಇಷ್ಟು ಕಷ್ಟಪಡುತ್ತಿದೆ? ನೀವೆ ಉತ್ತರ ಕಂಡುಕೊಳ್ಳಿ. —ಎಂ. ಎನ್. ಚಂದ್ರೇಗೌಡ.

Well done DK Shivakumar

DK Shivkumar sting

Well done DKS :

ವೆಲ್ಡನ್ ಡಿಕೆ;
ಸ್ಟಿಂಗ್ ಆಪರೇಷನ್ ಮಾಡಲು ಬಂದವರಿಗೆ, ಆಂಟಿ ಸ್ಟಿಂಗ್ ಮಾಡಿ, ರಿವಸರ್್ ಸ್ಟಿಂಗ್ ಮಾಡಿ ನೀರು ಕುಡಿಸಿದ ಡಿಕೆ ನಿಮಗೆ ಅಭಿನಂದನೆ. ಒಂದು ಕಡೆ ಎಚ್ಡಿಕೆ, ಮತ್ತೊಂದು ಕಡೆ ಹೆಚ್ಡಿಡಿ, ಪಿಜಿಆರ್ ಸಿಂಧ್ಯ, ಸಿ.ಪಿ. ಯೋಗೇಶ್ವರ್, ಎಸ್.ಆರ್. ಹಿರೇಮಠ್, ಕಾಂಗ್ರೆಸ್ನ ಹಿತ ಶತ್ರುಗಳು, ಇಷ್ಟೊಂದು ಎದುರಾಳಿಗಳನ್ನು ಸುತ್ತಲೂ ಇಟ್ಟುಕೊಂಡು ರಾಜಕಾರಣ ಮಾಡುತ್ತಿರುವ ಡಿಕೆ ನಿಮಗೆ ಮತ್ತೊಂದು ಅಭಿನಂದನೆ. ಈ ಅಭಿನಂದನೆ ಹೇಳುವಾಗ ಅತ್ಯಂತ ಜವಾಬ್ದಾರಿಯಿಂದ ಆ ಪದ ಬಳಕೆ ಮಾಡಿದ್ದೇನೆ. ನನಗೆ ನಿಮ್ಮಿಂದ ಏನೂ ಪಡೆಯುವ, ನಿಮ್ಮನ್ನು ಅಭಿನಂದಿಸಿ ನಿಮ್ಮ ಕೃಪೆಗೆ ಭಾಜನನಾಗುವ ಯಾವುದೇ ಇರಾದೆ ನನಗಿಲ್ಲ. ಎಲ್ಲವನ್ನೂ ದೂರದಿಂದ ಗಮನಿಸಿ ಈ ಅಭಿಪ್ರಾಯವನ್ನು ವ್ಯಕ್ತಪಡಿಸುತ್ತಿದ್ದೇನೆ. ಇದರಲ್ಲಿ ಯಾವುದೇ ಜಾತಿ, ಆತ್ಮೀಯತೆ ಮೋಹವೂ ನನಗಿಲ್ಲ ಎಂಬುದನ್ನು ಇಲ್ಲಿ ಸ್ಪಷ್ಟಪಡಿಸುತ್ತಿದ್ದೇನೆ.
ನಿಮ್ಮ ದೌಲತ್ತು, ಬಾಡಿ ಲಾಗ್ವೆಜ್, ಏಕ ವಚನ ಪ್ರಯೋಗ, ನಿಮ್ಮ ವಿರುದ್ಧದ ಕೇಸುಗಳು, ಆಸ್ತಿ ಮಾಡುವ ಹಪಾಹಪಿಕೆ, ಬಿಲ್ಡರ್ಗಳ ಸಹಯೋಗ, ಎಲ್ಲಾ ಸಂಘ ಸಂಸ್ಥೆಗಳಲ್ಲಿ ಮೂಗು ತೂರಿಸಿ ಆಸ್ತಿ ಕಬಳಿಸಬೇಕೆನ್ನುವ ಧಾವಂತ, ಇವುಳೆಲ್ಲವುದರ ವಿಷಯವಾಗಿ ನಾನು ನಿಮ್ಮನ್ನು ತಿರಸ್ಕರಿಸುತ್ತೇನೆ. ಹಿರೇಮಠ್ ಹಾಗೂ ನಿಮ್ಮ ನಡುವಿನ ಹೋರಾಟ ಮುಂದುವರೆಯಲಿ, ಈ ಬಗ್ಗೆ ನ್ಯಾಯಾಲಯ ತೀಮರ್ಾನ ಸೂಕ್ತ ತೀಮರ್ಾನ ಕೈಗೊಳ್ಳಲಿ. ಅವುಗಳೆಲ್ಲಾ ಇಲ್ಲಿ ಅಪ್ರಸ್ತುತ.
ಮುವತ್ತೈದು ವರ್ಷ ರಾಜಕಾರಣ ಮಾಡಿ, ಜನರ ನಡುವಿನಿಂದ ಬೆಳೆದು, ಪ್ರಜಾಸತ್ತಾತ್ಮಕವಾಗಿ ಕೆಲಸ ಮಾಡುತ್ತಿರುವ, ನೂರಾರು ಸಾವಿರಾರು ಬೆಂಬಲಿಗಳನ್ನು ಹೊಂದಿ, ಅದ್ಭುತ ಸಂಘಟಕ, ಚಾಣಕ್ಷ ರಾಜಕಾರಣಿಯಾಗಿರುವ ನಿಮ್ಮ ಬಗ್ಗೆ ಹೆಮ್ಮೆ ಇದೆ ನನಗೆ. ಪತ್ರಿಕಾ ಧರ್ಮವನ್ನು ಗಾಳಿಗೆ ತೂರಿ, ಎಲ್ಲಾ ಎಥಿಕ್ಸ್ಗಳನ್ನು ಮೂಲೆಗೆ ತಳ್ಳಿ ನಿಮ್ಮ ರಾಜಕಾರಣ, ನಿಮ್ಮ ರಾಜಕೀಯ ಜೀವನವನ್ನು ಮುಗಿಸಿ ನಿಮ್ಮ ವ್ಯಕ್ತಿತ್ವ ಅಳಿಸಿ ಹಾಕುತ್ತಿದ್ದ, ನಿಮ್ಮ ಸಾವಿರಾರು ಅನುಯಾಯಿಗನ್ನು ಅಕ್ಷರಸಹ: ರಾಜಕೀಯವಾಗಿ ತಬ್ಬಿಲಿ ಮಾಡುತ್ತಿದ್ದ ಪತ್ರಕರ್ತ “ಬಾಂಬರ್”ಗಳನ್ನು ಬಗ್ಗು ಬಡೆದ ಬಗೆಯನ್ನು ಕಂಡು ವಿಸ್ಮಯಗೊಂಡಿದ್ದೇನೆ. ಒಂದು ಕ್ಷಣ ಯೋಚಿಸಿ ನೋಡಿ ನೀವೆನಾದರೂ ಆ ಹಣ ಮುಟ್ಟಿದ್ದರೆ, ಅದು ಆ ಟೇಪ್ಗಳಲ್ಲಿ ಸೆರೆಯಾಗಿದ್ದರೆ ನಿಮ್ಮನ್ನು ನೀವು ಕಲ್ಪಿಸಿಕೊಳ್ಳಿ. ನೀವು ಪ್ರಪಂಚದ ಯಾವುದೇ ದೇವರಿಗೆ ಮೊರೆ ಇಟ್ಟಿದ್ದರೂ, ನಿಮ್ಮ ಹೈಕಮಾಂಡ್ಗಾಗಲಿ, ನಿಮ್ಮ ಕ್ಷೇತ್ರದ ಅಷ್ಟು ಜನರೂ ಯಜ್ಞ, ಯಾಗಾದಿಗಳನ್ನು ಮಾಡಿದ್ದರೂ ಯಾರಿಂದಲೂ ನಿಮ್ಮನ್ನು ನೀವು ಬೀಳುತ್ತಿದ್ದ ಬಹುದೊಡ್ಡ ರಾಜಕೀಯ ಪ್ರಪಾತದಿಂದ ಹೊರಗೆ ಕರೆ ತರಲು ಆಗುತ್ತಿರಲಿಲ್ಲ. ನಿಮ್ಮ ಆರ್ಭಟ, ಆಶ್ವಾಸನೆ, ನಿಮ್ಮ ಕಾಂಟ್ಯಾಕ್ಟ್ಸ್, ಎಲ್ಲವೂ ಕ್ಷಣ ಮಾತ್ರದಲ್ಲಿ ಅಳಿಸಿ ಹೋಗುತ್ತಿದ್ದವು. ನೀವು ಯಾರಿಗೂ ಬೇಡವಾದ, ಅಸ್ಪೃಶ್ಯ ರಾಜಕಾರಣಿಯಾಗಿ ಹೋಗುತಿದ್ರಿ. ಬಂಗಾರು ಲಕ್ಷ್ಮಣ್, ಜಯಾ ಜೈಟ್ಲಿ, ಎನ್ಡಿ ತಿವಾರಿ ಇವರೆಲ್ಲಾ ರಾಜಕೀಯ ಪುಟಗಳಿಂದ ಅಳಿಸಿಹೋಗಿದ್ದು ಹೀಗೆಯೇ. ಆ ಕ್ಯಾಮರಾಗೆ ಅಷ್ಟು ಶಕ್ತಿ ಇದೆ. ಅದು ಸುಳ್ಳು ಹೇಳದು. ಅದರ ತಾಕತ್ತೇ ಅಂಥಹುದು. ಆ ಕ್ಯಾಮರಾಗೆ ಅದಕ್ಕೆ ಯಾರ ಕಣ್ಣೀರು, ಪಶ್ಚಾತಾಪ, ವೇದನೆ ಅರ್ಥ ಆಗುವುದಿಲ್ಲ. ಆ ಕ್ಯಾಮರ ಕಣ್ಣಿಗೆ ಕನಿಕರ, ಅಯ್ಯೋಪಾಪ ಎನ್ನುವುದು ಗೊತ್ತೇ ಇಲ್ಲ. ಅಂಥಹ ಕಠೋರ, ನಿಷ್ಠೂರ ಅದು. ಅದೊಂದೇ ಸಾಕ್ಷ್ಯ ಸಾಕು ನಿಮ್ಮನ್ನು ರಾಜಕೀಯದ ಪುಟಗಳಿಂದ ಅಳಿಸಿಹಾಕಲು. ನಿಮ್ಮನ್ನು ಮುಗಿಸಲು ನಿಮ್ಮ ಕ್ಷೇತ್ರದಲ್ಲಿ ಸುತ್ತಾಡಿ ಪ್ರಚಾರ ಮಾಡಬೇಕಾಗಿಲ್ಲ. ಕನಕಪುರ ಜನತೆಯ ಸೇವೆ ಮಾಡಬೇಕಾಗಿಲ್ಲ. ನಿಮ್ಮನ್ನು ಕೇಸುಗಳಲ್ಲಿ ಸಿಕ್ಕಿಹಾಕಿಸಬೇಕಾಗಿಲ್ಲ. ಹತ್ತು ಸೆಕೆಂಡ್ನ ಕ್ಯಾಮರಾ ಪುಟೇಜ್ ಸಾಕು. ಅದರಿಂದ ಬಚಾವಾಗಿದ್ದೀರ ಡಿಕೆ. ನಿಮಗೆ ಇನ್ನಷ್ಟು ರಾಜಕೀಯದ ಆಯಸ್ಸು ಇದೆ. ನಿಮ್ಮ ದೇವರ ಮೊರೆ ಹೋಗಿ ಪೂಜೆ ಮಾಡಿ ಬನ್ನಿ. ರಾಜಕೀಯ ಮರುಜನ್ಮ ಸಿಕ್ಕಿದೆ ನಿಮಗೆ.
ಸ್ಟಿಂಗ್ ಮಾಡಲು ಬಂದ ಪತ್ರಕರ್ತರನ್ನು ನಿಮ್ಮ ಹಿಂಬಾಲಕರು ಥಳಿಸಿದ್ರಾ, ಅವರ ದೂರು ದಾಖಲಾಗಿಲ್ಲವ್ವಾ, ಅವರನ್ನು ಅರೆಸ್ಟ್ ಮಾಡುವಾಗ ಪೊಲೀಸದ್ರಾ? ಅವುಗಳಿಗೆಲ್ಲಾ ಪೊಲೀಸರು ಉತ್ತರಿಸುತ್ತಾರೆ. ಪತ್ರಕರ್ತರ ವಿರುದ್ಧ ವಿನಾಕಾರಣ ಹಲ್ಲೆ ನಡೆದಿದ್ದರೆ ಅದು ಖಂಡನಾರ್ಹ. ಅದು ನಡೆದಿದ್ದರೆ ಪೊಲೀಸರು ಸೂಕ್ತ ಕ್ರ್ರಮಕೈಗೊಳ್ಳಲಿ. ತಪ್ಪಿತಸ್ಥರು ವಿಚಾರಣೆ ಎದುರಿಸುವಂತಾಗಲಿ.
ಇನ್ನು ಸ್ಟಿಂಗ್ ಆಪರೇಷನ್ನ ವಿಷಯಕ್ಕೆ ಬರೋಣ. ಸುಮಾರು ಐದು ಲಕ್ಷ ರುಪಾಯಿ ಹಣ ನೀಡಲು ಆ ಪತ್ರಕರ್ತರಿಬ್ಬರೂ ಬಂದಿದ್ದರೆ ಅದೊಂದು ಅದ್ಭುತ ಪ್ಲಾನಿಂಗ್. ಅದು ಎಳಸು ಪತ್ರಕರ್ತರಿಬ್ಬರು ಮಾಡಿದ ಯೋಜನೆಯಂತೂ ಅಲ್ಲ. ಆರ್ಟಿಐ ಅಪ್ಲಿಕೇಶನ್ ಹಾಕಲು ರಿಪೋರ್ಟರ್ಸ್ಗಳಿಗೆ ಕಚೇರಿಗಳಲ್ಲಿ ಹಣ ನೀಡುವುದೇ ಕಷ್ಟ. ಅಂಥಹುದರಲ್ಲಿ ಐದು ಲಕ್ಷ ರುಪಾಯಿಗಳ ದೊಡ್ಡ ಮೊತ್ತವನ್ನು ನಿಮ್ಮ ಮುಂದೆ ತಂದಿಟ್ಟ ಪತ್ರಕರ್ತರಿಬ್ಬರೂ ಬಹುದೊಡ್ಡ ಷಡ್ಯಂತ್ರವೊಂದರ ದಾಳವಾಗಿ ಪ್ರಯೋಗವಾಗಿದ್ದಾರೆ ಅಷ್ಟೆ. ಅಸಲಿಗೆ ಅಂಥಹ ಸ್ಟಿಂಗ್ ಮಾಡುವುದು ಅಗತ್ಯವಿತ್ತೇ? ವೇಶ್ಯೆಯರನ್ನು ಬಳಸಿಕೊಂಡು ತರುಣ್ತೇಜ್ ಪಾಲ್ ಮಾಡಿದ ಸ್ಟಿಂಗ್ ಸಹ ತೀವ್ರ ಟೀಕೆಗೆ ಗುರಿಯಾಗಿತ್ತು. ನಕಲಿ ವೇಷದಲ್ಲಿ ತೆರಳಿ ಸ್ಟಿಂಗ್ ಮಾಡುವುದು ಪತ್ರಿಕಾ ಧರ್ಮದ ಪ್ರಕಾರವಿದೆಯೇ? ವಿಷಯವನ್ನು ಅರಿಯಲು, ಖದ್ದು ಕಣ್ಣಾರೆ ಕಾಣಲು ಮಾರುವೇಷದಲ್ಲಿ ಹೋಗುವುದಕ್ಕೆ ಅರ್ಧವಿದೆ. ಆದರೆ ಇಡೀ ವ್ಯವಸ್ಥೆಯನ್ನೇ ನಕಲಿಯಾಗಿ ಸೃಷ್ಟಿಸಿ, ವ್ಯಕ್ತಿಯೊಬ್ಬನ್ನು ಟೆಮ್ಟ್ ಮಾಡಿ ಬಲೆಗೆ ಕೆಡವುದು ನೈತಿಕ ಪತ್ರಿಕೋದ್ಯಮ ಅಲ್ಲ. ಮನುಷ್ಯನನ್ನು ಟೆಮ್ಟ್ ಮಾಡಲು ನೂರಾರು ವಿಧಾನಗಳಿವೆ. ಒಬ್ಬ ವ್ಯಕ್ತಿಯನ್ನು ಟೆಮ್ಟ್ ಮಾಡಿ ಬಲೆಗೆ ಕಡೆವುದು ಪತ್ರಕರ್ತರ ನಡವಳಿಕೆ ಯಾಗಬಾರದು.
ಒಂದು ಕಚೇರಿಗೆ ಎಷ್ಟೇ ದೂರುಗಳು ಬರಲಿ, ಅವುಗಳ ಸತ್ಯಾಸತ್ಯತೆ ಅರಿಯುವುದರ ಜತೆ, ಆ ಸಂಬಂಧಪಟ್ಟ ಪ್ರಕರಣದಲ್ಲಿ ಭಾಗಿಯಾಗಿರುವವ ಮೂಲಕ ಸ್ಟಿಂಗ್ ಮಾಡಬೇಕಾಗಿರುವುದು ಪತ್ರಿಕಾ ಧರ್ಮ. ಆದರೆ ಪತ್ರಕರ್ತರೇ ನಕಲಿ ಕಂಪನಿ ಹುಟ್ಟು ಹಾಕುವುದು, ಆ ಕಂಪನಿಯ ರೆಪ್ರಜೆಂಟೆಟೀವ್ಸ್ ಗಳಾಗಿ ವತರ್ಿಸುವುದು, ಹಣ ಆಫರ್ ಮಾಡುವುದು ಎಥಿಕಲ್ ಜರ್ನಲಿಸಂ ಅಲ್ಲ.
ಉದಾಹರಣೆಗೆ, ಪತ್ರಕರ್ತನೊಬ್ಬ ಯಾವುದೋ ರಾಜಕಾರಣಿಯನ್ನು ಬಲೆಗೆ ಕಡೆವಲು ರಣತಂತ್ರವೊಂದನ್ನು ಹೆಣೆಯುತ್ತಾನೆ. ಒಂದು ವೇಳೆ ಆ ರಾಜಕಾರಣಿ ಸಿಕ್ಕಿಬಿದ್ದರೆ, ಹಣ ಪಡೆದು ಆ ಪತ್ರಕರ್ತ ರಾಜೀಕೂಡ ಆಗಬಹುದು. ಅಥವಾ ಅಂಥಹ ರಣತಂತ್ರ ರೂಪಿಸಿದ ಪತ್ರಿಕಾ ಸಂಸ್ಥೆಯೇ ಆ ರಾಜಕಾರಣಿ ಜತೆ ಸಂಧಾನ ಮಾಡಿಕೊಳ್ಳಬಹುದು. ಬ್ಲಾಕ್ ಮೇಲ್ ಮಾಡಬಹುದು. ಆದರೆ ಒಂದು ರಣತಂತ್ರ ರೂಪಿಸಲು ಹಕ್ಕು ಕಳೆದುಕೊಂಡವರು, ರಾಜಕಾರಣಿಯಿಂದ ತುಳಿತಕ್ಕೆ ಒಳಗಾದವರು, ರಾಜಕಾರಣಿಯೊಬ್ಬನಿಂದ ವ್ಯವಸ್ಥೆಯ ದುರುಪಯೋಗ ವಾಗುತ್ತಿರುವುದನ್ನು ಗಮನಿಸಿದವರು ಸ್ಟಿಂಗ್ನ ಭಾಗವಾಗಿದ್ದರೆ ಪತ್ರಿಕಾ ಧರ್ಮದ ಪಾಲನೆಯಾಗುತ್ತದೆ. ಸ್ಟಿಂಗ್ ಮಾಡಲು ಒಂದು ಕಾರಣ ಸಿಕ್ಕಂತಾಗುತ್ತದೆ. ಪತ್ರಿಕಾ ಸಂಸ್ಥೆಯಲ್ಲದೆ ಬೇರೆಯೊಬ್ಬರಿಗೆ ಆ ವಿಷಯ ಗೊತ್ತಿರುತ್ತದೆ. ಇಲ್ಲದಿದ್ದರೆ ಸ್ಟಿಂಗ್ನ ದುರುಪಯೊಗವೇ ಹೆಚ್ಚು. ಕಾರಣವಿಲ್ಲದೇ ಸ್ಟಿಂಗ್ ಮಾಡುವುದಾದರೆ ಟಿವಿ9 ಚಾನೆಲ್ನವರನ್ನೇ ಕ್ಯಾಮರಾ ಬಲೆಗೆ ಬೀಳಿಸುವುದು ಕಷ್ಟವಲ್ಲ.  –MN Chandregowda

  • ಪುಟಗಳು

  • Flickr Photos

  • ಮಾರ್ಚ್ 2014
    ಭಾನು ಸೋಮ ಮಂಗಳ ಬುಧ ಗುರು ‍ಶು ಶನಿ
    « ಮೇ    
     1
    2345678
    9101112131415
    16171819202122
    23242526272829
    3031  
  • ವಿಭಾಗಗಳು